Яе называлі Одры Хепбёрн на пуантах - Людміле Бржазоўскай - 75

Яе звалі Одры Хепбёрн на пуантах. Першая Кармэн, Ева, Фрыгія, Маша - у пастаноўках Валянціна Елізар'ева. Званне народнай артысткі Беларусі яна атрымала, калі ёй было ўсяго 29 гадоў. Людміла Бржазоўская сёння прымае віншаванні. Легендарнай балерыне - 75! Прэзідэнт Беларусі павіншаваў Людмілу Бржазоўскую з юбілеем. Выпускніца Беларускага дзяржаўнага  харэаграфічнага вучылішча, яна таксама стажыравалася ў Пецярбургу ў вучаніцы Ваганавай Наталлі Дудзінскай. Верная Вялікаму тэатру Беларусі  з 1966 года, дзе выканала вядучыя партыі ў пастаноўках "Кармэн-сюіта", "Стварэнне свету", "Ціль Уленшпігель", "Спартак", "Шчаўкунок", "Карміна Бурана". Яе таленту апладзіравалі больш чым у 30 краінах ад Сінгапура да Венгрыі. 

Сёння народная артыстка дзеліцца сваім вопытам з салістамі Вялікага тэатра Беларусі. Людміла Генрыхаўна служыць роднай сцэне на пасадзе педагога-рэпетытара.