Дзень тэатра адзначаюць ва ўсім свеце

Сёння свет адзначае Дзень тэатра. Свята не толькі акцёраў, рэжысёраў, прадзюсараў, кулуарных работнікаў, але і, вядома, гледачоў. Драматычны, оперны, лялечны, музычны, ТЮГ. Усяго ў Беларусі працуе 29  тэатраў, якія толькі за мінулы год выпусцілі больш за паўтары сотні прэм'ер.

Легендарная "Паўлінка" ў анлайн-фармаце

Традыцыйна ў Купалаўскім адзначаюць не Дзень, а Тыдзень тэатра,  і сёлета ў фармаце  анлайн. Увечар легендарную "Паўлінку", якая нязменна на сцэне амаль 80 сезонаў, змогуць убачыць у прамым эфіры ў любым кутку планеты.

Балет "Стварэнне свету" ў прамым эфіры на "Беларусь 3" 

У прамым эфіры будзе вяшчаць і Вялікі тэатр. Тэлеканал "Беларусь 3" пакажа балет "Стварэнне свету" ў новай аўтарскай рэдакцыі Валянціна Елізар’ева. А ў тэлеантракце спектакля выйдуць "Навіны культуры".