Галоўная падзея ў свеце культуры сёння - урачыстая цырымонія адкрыцця дзіцячага конкурсу песні "Еўрабачанне-2018"! Яна пройдзе ў выставачным цэнтры "БелЭкспа" і стане пачаткам вялікага еўравізійнага тыдня. Тады ж адбудзецца і жараб'ёўка канкурсантаў.
Ужо зараз на пляцоўцы адкрыцця музычнага форуму знаходзяцца мае калегі. На прамую сувязь са студыяй выходзіць Надзея Сербіненка. Чым здзівіць цырымонія адкрыцця?
Усіх сакрэтаў маючага адбыцца шоу я раскрыць, на жаль, не магу, але сёе-тое ўсё ж раскажу. Так, адным з самых яркіх элементаў цырымоніі адкрыцця стане так званае 3D mapping show. На сцэне з дапамогай камп'ютарнай графікі і 3D-праекцыі разгорнецца сучаснае тэатралізаванае прадстаўленне. Мы, як краіна-ўдзельніца, абавязкова пазнаёмім усіх гасцей з беларускім фальклорам, але ў сучаснай інтэрпрэтацыі.
Вядучымі грандыёзнага свята стануць Дзяніс Дудзінскі і Ганна Квілорыя. Вядучыя праграмы "Добрай раніцы, Беларусь!" і праекта "Тэлераніца" пагутараць з юнымі артыстамі на чырвонай дарожцы і прапануюць ім "Загадаць мару!". Афіцыйны старт еўратыдню дадуць Старшыня Белтэлерадыёкампаніі Іван Эйсмант і выканаўчы дырэктар конкурсаў "Еўрабачанне" Ён Ола Санд. Усяго ў цырымоніі адкрыцця прымуць удзел больш за 300 чалавек: гэта, вядома, самі канкурсанты з 20-ці краін і дэлегацыі, якія іх суправаджаюць, госці, валанцёры, беларускія і замежныя журналісты.
Дапоўню, што ўсе самыя яркія моманты шоу абавязкова ўбачаць нашы гледачы. "Беларусь 1" і "Беларусь 24" пакажуць тэлеверсію цырымоніі адкрыцця еўравізійнага тыдня адразу пасля "Панарамы". Таксама яе можна будзе ўбачыць на афіцыйным сайце медыяхолдынга www.tvr.by. У тэлеэфіры ўрачыстую цырымонію адкрыцця змогуць убачыць не толькі беларускія гледачы, але і прыхільнікі дзіцячага "Еўрабачання" ва ўсіх краінах Еўропы, а таксама ў Аўстраліі.
Увогуле, "Light Up"! Будзем запальваць разам!
