Гэтым вечарам князі Вялікага Княства Літоўскага зноў будуць змагацца за ўладу і за каханне. Вялікі тэатр Беларусі пакажа нацыянальную харэаграфічную легенду "Вітаўт" у Вільнюсе.
Напярэдадні балетная трупа прыбыла ў сталіцу Літвы і правяла першую рэпетыцыю на "Сіменс-Арэне". З сабою Тэатр оперы і балета прывёз фуру дэкарацый і спецыяльную тэхнічную групу. Дарэчы, сцэну манціравалі спецыяльна пад балет, але стварыць нахіл пляцоўкі на 4 градусы, як яна размешчаная ў нас у Вялікім, не атрымалася. Таму танцоўшчыкам за дзве рэпетыцыі прыходзіцца прызвычайвацца да новых умоў. Нацыянальны балет упершыню збярэ літоўскіх гледачоў.
Візітная картка беларускага балета створаная паводле аднайменнай п'есы Аляксея Дударава на музыку Вячаслава Кузняцова.
