Сталічны кінатэатр Кастрычнік дае галоўную прэм'еру кастрычніка - працяг Белых рос. Прэзентацыя другой часткі культавага фільма адбудзецца ў 19 гадзін. З чацвярга карціна ў беларускім пракаце. А ў канцы года Белыя росы. Вяртанне ўбачаць гледачы Расіі і Літвы.
Працяг стужкі зняла рэжысёр-дэбютант Аляксандра Бутар, бо пастаноўшчык першых Белых рос Ігар Дабралюбаў нядаўна пайшоў з жыцця. У аснову сцэнарыя легла аповесць вядомага драматурга Аляксея Дударава, які таксама напісаў першыя Белыя росы. Гэтым разам кінагісторыя распавядае пра далейшы лёс знаёмых гледачам братоў Ходасаў. Але галоўнымі персанажамі выступаюць прадстаўнікі новага пакалення сям'і.
Аляксандра Бутар, рэжысёр фільма Белыя росы. Вяртанне: Ён такі савецкі, можа быць, трошкі старамодны і вельмі-вельмі просты. І, вядома ж, не экшн. Няма там боек, крыві. Агульнае ў нас - гэта тыя каштоўнасці, вечныя каштоўнасці, пра якія быў той фільм. Гэта сям'я, гэта сяброўства, сямейнае гняздо, цёплыя адносіны паміж роднымі.
Здымкі праходзілі маршрутам рэжысёра Дабралюбава ў Гродна і Мінску. Ці ўбачым знаёмых Польскіх, Ірыну Ягораву, Станіслава Садальскага, пакуль трымаецца ў сакрэце. Вядома, што галоўную ролю выканаў народны артыст Літоўскай ССР Юозас Будрайціс. На экране ён увасобіў Андрэя Ходаса, якога гледачы запомнілі як чалавека празмерна ашчаднага. Дарэчы, персанажы фільма пераспявалі песню Пакуты, якая стала хітом першай часткі. А выканаўцы галоўных роляў таксама праспявалі ў адным з саўндтрэкаў прэм'ернай карціны.
Сёння пасля 10-гадовага перапынку на вялікі экран вернецца і Мікалай Карачанцаў. Народны артыст Расіі ўжо прыбыў у Мінск, каб ацаніць прэм'еру. Для акцёра здымкі ў працягу Белых рос сталі першымі пасля сур'ёзнай аўтамабільнай аварыі. Дарэчы, Мікалай Пятровіч з'явіцца ў фільме з тым самым гармонікам, на якім іграў у кіно 30 гадоў таму.
