Іна Пілевіч - падрабязней.
Вось такія пасылкі з паметкай "Еўрабачанне" на працягу месяца прыходзяць на адрас Макаёнка, 9. На гэтую хвіліну ахвотнікаў прыняць удзел у нацыянальным адборы - 99. Лічба неканчатковая. Справа ў тым, што Белтэлерадыёкампанія прымае бандэролі са штэмпелем апошняга дня прыёму заявак - 21 лістапада.
Лідар у колькасці пасылак - сталіца. Бандэролі ідуць не толькі з розных пунктаў Беларусі, але і з Расіі і Украіны. Прадставіць нашу краіну на "Еўрабачанні" жадаюць музыканты з Новасібірска, Уфы, Кіева і нават вёскі Чайкі.
Аляксандр Рыбак сабраў дзявочы гурт, Юзары заручыўся падтрымкай скрыпачкі, а артысты прадзюсарскага цэнтра "Спамаш" збіраюцца канкурыраваць адзін з адным. Шмат заявак ад артыстаў, знаёмых гледачам па мінулых нацыянальных адборах. Сёлета другую спробу робяць Tasha Odi, група Napoli, "Світэр Бойз" у дуэце з блізнятамі Волгай і Кацяй Кароль. Не абыдзецца праект і без ветэрана конкурсу спявачкі Гюнэш, якая ўдзельнічае ў праекце ўжо шосты раз.
Святлана Смалонская-Краскоўская, кіраўнік прэс-службы Белтэлерадыёкампаніі:
"Сёлета мы традыцыйна запрашаем усіх на праслухоўванне, акрэдытоўваем туды прэсу, каб усе маглі на свае вочы ўбачыць прэтэндэнтаў, зрабіць нейкія свае высновы і паглядзець, ці супадзе іх меркаванне, іх выбар з выбарам прафесійнага журы. Праслухоўванне адбудзецца ў Белтэлерадыёкампаніі".
Наступны этап праекта - праслухоўванне ў жывым гуку 4 і 5 снежня. Ацэніць кампазіцыі журы, якое дапусціць на фінал не больш за 15 прэтэндэнтаў. Выніковы гала-канцэрт адбудзецца ў прамым эфіры тэлеканалаў "Беларусь 1" і "Беларусь 24" ужо 26 снежня.