Белтэлерадыёкампанія завяршыла прыём заявак для ўдзелу ў кастынгу вядучых дзіцячага "Еўрабачання"

Каля ста дарослых і дзяцей даслалі свае анкеты. Да прэтэндэнтаў строгія патрабаванні - валоданне англійскай мовай, уменне трымацца на сцэне, працаваць у кадры і выдатна імправізаваць, а таксама мець вопыт працы ў прамым эфіры і ўдзел у буйных тэлепраектах. Сярод кандыдатаў - беларускія ўдзельнікі міжнароднага дзіцячага форуму розных гадоў. Жывы кастынг Белтэлерадыёкампанія разам з шоу-дырэктарам дзіцячага "Еўрабачання" Горданам Банелам плануе правесці ў жніўні.