Мінск, Вена, Бялград. Авіярэйсам і потым трыста кіламетраў у горы - такі шлях сёння пераадольвае творчая дэлегацыя беларусаў, якія стануць удзельнікамі фестывалю Эміра Кустурыцы. Па запрашэнні кінамаэстра маладыя музыканты нашай краіны разам з рэктарам Беларускай дзяржаўнай акадэміі музыкі тры дні правядуць у цэнтры свята мастацтваў.
Падрабязней - Наталля Бардзілоўская. Са слоў Кустурыцы, не так даўно славутасцямі гэтага месца былі ліхтарны слуп і стог сена. Цяпер сербская глыбінка пад назвай Дрвенград - цэнтр самага эпатажнага форуму свету. Так пра фестываль знакамітага кінарэжысёра гавораць сусветныя зоркі - госці яго малой радзімы Брус Уіліс, Джоні Дэп, Моніка Белучы. Да непазнавальнасці вёску сваіх продкаў Кустурыца змяніў у 2004 да здымак стужкі "Жыццё як цуд". Цяпер гэта цывільнае, але этнакаларытнае месца. І з 2008 тут жыве фестываль "Кустэндорф" - спачатку кіношны, цяпер гэта форум мастацтваў.
Балгарыя, Сербія, Расія - да сталых удзельнікаў форуму сёлета далучаецца Беларусь! Нашы на фестываль Кустурыцы запрошаныя ўпершыню. Узімку на базе Беларускай акадэміі музыкі прайшлі папярэднія праслухоўванні, якія ў віртуальным рэжыме ацэньваў сам маэстра. І пераможцаў Кустурыца вызначаў асабіста. Фэст - гэта канцэрты і конкурс. Яго ўдзельнікамі стануць чацвёра беларусаў: навучэнцы гімназіі-каледжа пры Акадэміі музыкі і дзве студэнткі кансерваторыі. Юныя таленты сыграюць на кларнэце, скрыпцы, фартэпіяна і пакажуць свой вакал.
Кіраўнік нашай дэлегацыі - рэктар беларускай кансерваторыі - узначаліць журы фестывальнага конкурсу! Больш за тое, сваю прысутнасць на фестывалі Кацярына Дулава ацэньвае не толькі як гонар. Дарэчы, майстар-класы сёлета на "Кустэндорфе" будуць даваць альтыст Юрый Башмет, барытон Васіль Герэла, віяланчаліст Нарэк Ахназаран. Нашы музыканты змогуць таксама пазнаёміцца з аднагодкамі - музыкантамі сербскага моладзевага аркестра.
