170 дзяцей з Арабскай Рэспублікі прыбылі ў нашу краіну па запрашэнні Кіраўніка дзяржавы. Да 29 студзеня дзеці будуць праходзіць аздараўленне ў дзіцячым цэнтры "Зубраня", а сёння іх чакала займальная экскурсія па музычнай навучальнай установе, выстава, канцэрт і, вядома, падарункі ля навагодняй ёлкі. Амаль палова дэлегацыі - юныя музыканты, адораная моладзь Сірыі.
Кацярына Дулава, рэктар Беларускай дзяржаўнай акадэміі музыкі: "Мы сёння арганізавалі не проста знаёмства са студэнтамі і ВНУ, мы па сутнасці працягваем сёння сапраўдны музычны мост паміж дзвюма краінамі і паміж дзвюма культурамі, і я вельмі спадзяюся, паміж дзвюма адукацыйнымі сістэмамі".
Ужо 23 студзеня на пляцоўцы лагера "Зубраня" студэнты і педагогі кансерваторыі дадуць сваім сірыйскім сябрам прафесійныя майстар-класы. Не выключана, што ў найбліжэйшай будучыні сірыйскія таленты будуць паступаць у беларускую Акадэмію музыкі.
