Беларуская акадэмія музыкі гэтымі святочнымі для ўсяго хрысціянскага свету днямі адкрыла другі Велікодны фестываль. Адзначым, першы форум атрымаў высокую ацэнку і шырокі грамадскі рэзананс і ўвайшоў у лік мерапрыемстваў, удастоеных спецыяльнай прэміі Прэзідэнта Беларусі. Сёлета старт Велікоднага фестывалю запомніцца знакавай і дабрачыннай падзеяй. Фінансавая падтрымка са сродкаў спецпрэміі Кіраўніка дзяржавы перададзена дырэктару Рэспубліканскага рэабілітацыйнага цэнтра для дзяцей-інвалідаў. Установа адкрыта пры рэалізацыі праграмы Прэзідэнта "Дзеці Беларусі" ў 2000 годзе, ажыццяўляе комплексную рэабілітацыю дзяцей-інвалідаў па індывідуальных праграмах з 3 да 18 гадоў. У Цэнтры ёсць магчымасць праводзіць медыцынскую, педагагічную, псіхалагічную, сацыяльную рэабілітацыю, накіраваную на адаптацыю дзіцяці з абмежаванымі магчымасцямі.
У праграме Велікоднага фестывалю тры канцэрты ад самых выдатных вучняў гімназіі-каледжа пры Акадэміі музыкі, студэнтаў і выпускнікоў ВНУ. Завершыцца ён гала-канцэртам з удзелам вядучай опернай салісткі Вялікага тэатра, заслужанай артысткі Беларусі Аксаны Волкавай і студэнцкага сімфанічнага аркестра пад кіраваннем Андрэя Галанава.
