Да 100-годдзя беларускай міліцыі. Нацыянальная кінастудыя "Беларусьфільм" сёння прэзентавала новы беларускі экшэн. Адбыўся закрыты паказ мастацкага фільма "Сляды на вадзе".
Першымі, хто ўбачыў фільм, сталі пракатчыкі з усіх рэгіёнаў краіны. У аснове сюжэта - рэканструкцыя падзей першых пасляваенных гадоў (барацьба з бандытызмам у Заходняй Беларусі) і рэальныя архіўныя факты з рамана прафесара, доктара гістарычных навук, палкоўніка міліцыі ў адстаўцы Мікалая Ільінскага.
Ігар Поршнеў, гендырэктар Нацыянальнай кінастудыі "Беларусьфільм": "Тое, пра што гаварыў Аляксандр Рыгоравіч, гэта чыста беларускі прадукт. Тут рэжысёр-беларус, аўтары беларускія, акцёры ўсе беларускія - тут няма запрошаных. У кожнай вобласці будзе прэм'ера з выездам туды прадстаўнікоў здымачнай групы".
Адразу пасля паказу кінаэксперты выпрацавалі канцэпцыю прасоўвання фільма. Адзначым, выхад беларускага экшэна "Сляды на вадзе" ў пракат запланаваны на 23 лютага. Узроставае абмежаванне кінастужкі - 16+.