Беларусь рыхтуецца адзначыць заўтра 125-ю гадавіну з дня нараджэння беларускага класіка Максіма Багдановіча. Паэт, публіцыст, перакладчык - ён пражыў усяго 25 гадоў, але стаў адным са стваральнікаў нацыянальнай літаратуры. Менавіта факт юбілею Багдановіча адыграў вырашальную ролю ў тым, што 2016 быў аб’яўлены Годам культуры. Асноўныя мерапрыемствы пройдуць у Мінску. Каля апоўдня ў крыпту храма-помніка Усіх святых заложаць капсулу з зямлёй з магілы паэта. А ў 14 гадзін ля помніка Багдановіча ў Мінску пачнецца літаратурная акцыя "Расцем разам з Максімам", у якой студэнты і выкладчыкі, віп-персоны і прадстаўнікі грамадскасці будуць чытаць творы Багдановіча. А з 17:30 да 18:00 ля манумента адбудзецца памятны мітынг "Пакланіся Максіму".
Заўтра ў Траецкім прадмесці пасля некалькіх гадоў рамонтных аднаўленчых работ адкрыецца абноўленая экспазіцыя музея Максіма Багдановіча. 5 залаў, сотні прадметаў. Сярод іх арыгінальныя асабістыя рэчы паэта. Будуць таксама прадэманстраваны сучасныя мультымедыйныя тэхналогіі.
На найноўшых інтэрактыўных экранах можна будзе пагартаць адзіны прыжыццёвы зборнік вершаў Багдановіча "Вянок", азнаёміцца з радавым дрэвам класіка. Выстаўлена прыкладна пятая частка музейных фондаў, таму экспазіцыя будзе пастаянна абнаўляцца.
Заўтра ў Траецкім прадмесці пасля некалькіх гадоў рамонтных аднаўленчых работ адкрыецца абноўленая экспазіцыя музея Максіма Багдановіча. 5 залаў, сотні прадметаў. Сярод іх арыгінальныя асабістыя рэчы паэта. Будуць таксама прадэманстраваны сучасныя мультымедыйныя тэхналогіі.
На найноўшых інтэрактыўных экранах можна будзе пагартаць адзіны прыжыццёвы зборнік вершаў Багдановіча "Вянок", азнаёміцца з радавым дрэвам класіка. Выстаўлена прыкладна пятая частка музейных фондаў, таму экспазіцыя будзе пастаянна абнаўляцца.