Погляд на прыроду Беларусі праз прызму французскай культуры. У Палацы мастацтва праходзіць персанальная выстава фотамастака Бенуа Віялона. Амаль дзясятак гарадоў і некалькі гадоў фотапалявання на тое, што апісвае нашу краіну: Мірскі замак, твары людзей, архітэктура сталіцы і апошні еўрапейскі зубр. Аўтар запрашае ў падарожжа па Беларусі і прапануе знайсці час для яе сузірання. Сёння апошні дзень, калі можна наведаць выставу ў Мінску.
Падобны праект аб агульнанацыянальнай эстэтыцы экспануецца і ў Пецярбургу: акрамя краявідаў брацкай краіны, у рамках праекта паказана прыгажосць і нашай прыроды.
