Беларусь 24 правядзе прэзентацыю на найбуйнейшай медыйнай выставе

Сёлета форум пройдзе  15-ы раз. Больш за 450 кампаній з розных краін свету прадставяць дасягненні галіны.
Выстава ахоплівае ўсе актуальныя фарматы і кірункі тэлетэхналогій: спадарожнікавае, эфірнае, мабільнае HD і 3D тэлебачанне. Асноўная тэма форуму - лічбавае вяшчанне. Упершыню паралельна з выставай адкрыецца і Мультымедыйны форум, прысвечаны тэматыцы мабільнага тэлебачання і сувязі, а таксама секцыя Smart TV, на якой абмяркуюць самыя апошнія прадукты, платформы і дадаткі, якія з'явіліся дзякуючы інтэграцыі тэлебачання і інтэрнэт-тэхналогій.
Сёлета Беларусь 24 атрымаў ліцэнзію на вяшчанне ў Расіі тэрмінам на 10 гадоў. Расійскім тэлегледачам тэлеканал вядомы з 2005 года, аднак са зменамі ў федэральным законе Аб ліцэнзаванні тэлевяшчанне ў Расіі зараз могуць ажыццяўляць толькі кампаніі-рэзідэнты. Беларусь 24 зараз афіцыйна ў гэтым спісе.