Grand Jete ў лета зробіць сёння Вялікі тэатр. У афішы дзявяты фестываль "Балетнае лета". Для гледачоў гэта марафон танцавальных прэм'ер: восем паказаў і дзевяць гісторый на пуантах. Права адкрываць форум дасталася гасцям.
"Прадавец цацак" сёння на авансцэне. Гэта сучасны балет Варонежскага тэатра оперы і балета. Яго калектыў упершыню выступае ў Мінску.
Дэбют балетнай трупы з Варонежа прадоўжыцца і заўтра, 9 чэрвеня. У субботу, 10 чэрвеня, фестывальную эстафету прыме Башкірскі тэатр оперы і балета. Эстэты ацэняць "Легенду аб каханні" ў харэаграфіі Грыгаровіча. З беларускага рэпертуару на біс "Лебядзінае возера", "Дон Кіхот" і "Жызэль". Кульмінацыяй "Балетнага лета" стане гала-канцэрт зорак 16 чэрвеня. У ім возьмуць удзел прымы і прэм'еры Марыінскага, Крамлёўскага і Пермскага балетаў.