Захавальнік пярсцёнка Мусліма Магамаева ўпершыню выступіў у Мінску. Азербайджанскі спявак і музыкант Эмін Агалараў - намінант на музычную прэмію "Грэмі" як "Адкрыццё года" - прыехаў у падтрымку свайго новага альбома. На канцэрце з фан-зоны Эміну падпявала Юлія Лосікава.
Сцэнічны псеўданім Эмін сусветная музычная арэна ўпершыню пачула ў 2006 годзе. Сёння ў дыскаграфіі выканаўца налічваецца ўжо 10 студыйных альбомаў, з якіх толькі 2 - рускамоўныя. Апошні прэзентаваў на пачатку сакавіка і адправіўся ў сусветнае турнэ. Мінск адным з першых пачуў будучыя хіты.
З першым канцэртам Эміна ў Мінску супаў сусветны рэліз яго новай пласцінкі "Мо аморэ", што ў перакладзе абазначае "Больш кахання". Фан-клуб падрыхтаваў плакаты, падарункі і нават тэматычныя аксесуары.
Тэхнічны складальнік шоу прадумалі ў дэталях. Кропкавае святло, гук і нават расстаноўку на сцэне. На бэках у Эміна фіналісткі расійскай праграмы "Голас". Дарэчы, у спісе абавязковых канцэртных кампазіцый песня Мусліма Магамаева "Мора".
Фанаты 35-гадовага Эміна - пераважна дзяўчаты. Самыя адданыя прыхільніцы з Масквы суправаджаюць свайго куміра на ўсіх канцэртах. Сярод беларусаў прыхільнікі таксама знайшліся. Ля грымёркі артыста падпільноўвалі яшчэ да пачатку канцэрта.
Ён выступае з Джэніфер Лопес, падпісвае кантракты з самымі прэстыжнымі лэйбламі ў свеце, яго сінглы ў музычных чартах Вялікабрытаніі ўваходзяць у групу Б. Гэта значыць тройчы на дзень іх круцяць у радыё- і тэлеэфіры.
Азербайджанскі музыкант тэксты і музыку піша сам. Акрамя творчасці займаецца будаўнічым бізнесам. Яго канцэртная зала ў Маскве адна з самых папулярных і тэхнічна сучасных. Эмін Агалараў назваў яе ў гонар свайго блізкага сябра Мусліма Магамаева.
