Хеві-метал у сімфанічным гучанні. Легендарны рок-гурт "Арыя" прэзентаваў у Мінску новую праграму сумесна з Прэзідэнцкім аркестрам Беларусі. Праект "Класічная арыя" ўзнік на стыку тысячагоддзяў. Тады калектыў стаў першым на постсавецкай цяжкай сцэне, хто рызыкнуў аб'яднаць рок і сімфанічную музыку. У беларускай сталіцы праграма ўпершыню. У канцэрт уключаныя хіты "Арыі" ў класічным гучанні. "Тарэра", "Калізей", "Вуліца руж" - у праграме каля 20-ці кампазіцыі за больш чым 30-гадовую гісторыю гурта. Для рэпетыцый з Прэзідэнцкім аркестрам маэстра са Швецыі прыбыў загадзя і быў у захапленні ад гучання калектыву.
Метал на скрыпках, віяланчэлях, флейтах і іншых інструментах выконваў вялікі склад Прэзідэнцкага аркестра. Спецыяльна да "Класічнай арыі" падрыхтавалі сімфанічныя аранжыроўкі хеві-метала і напісалі "Уверцюру", у якой аб'яднаныя музычныя рады ўсіх хітоў рок-гурта.
