А гэтая місія, мабыць, падобная да дыпламатычнай. Толькі замест перагаворных пляцовак сцэна, а замест дыпламатычнага пратаколу - песня. Беларускі дэлегат на "Еўрабачанні" ALEKSEEV рыхтуецца да выхаду на міжнародную музычную арэну.
Да галоўнага песеннага конкурсу Еўропы застаецца менш за месяц. Музычны форум пройдзе ў Лісабоне ў комплексе з сімвалічнай назвай "Парк нацый". Паказаць свой талент шматмільённай тэлеаўдыторыі прыедуць прадстаўнікі 43 дзяржаў.
Нашу краіну на конкурсе прадставіць украінскі спявак. Хоць, мабыць, выкарыстоўваць эпітэт "украінскі" ў дачыненні да гэтага выканаўца было б некарэктна. Бо ён паспеў дасягнуць значных поспехаў на постсавецкай прасторы. У той жа Расіі, напрыклад, і, вядома, у Беларусі.
Зараз у Аляксеева актыўная фаза падрыхтоўкі да конкурсу. Штодзённыя заняткі па вакале, канцэрты, пералёты і пераезды ў рамках прома-тура ў барацьбе за дадатковыя галасы для Беларусі.
Нягледзячы на шчыльны графік Мікіта знайшоў час для таго, каб пагутарыць з журналістамі Агенцтва тэленавін. І так нарадзілася ідэя наступнага рэпартажу. Па сутнасці, партрэта спевака. Для падрыхтоўкі матэрыялу разам з нашай здымачнай групай мы адпраўляемся ў Кіеў (відэа).