Тут упадаюць у істэрыкі прама падчас лекцыі! А аднагрупнікам раздаюць аплявухі. І за такія паводзіны нікога не выключаць, а наадварот, паставяць здавальняючую адзнаку. Студэнты кафедры рэжысуры і тэлебачання Акадэміі мастацтваў выконваюць навучальнае заданне - прайграюць сцэну з амерыканскага трылера Падмена. Дзеля праўдападобнасці ў кадры аплявухі атрымлівае пераможца Еўрабачання-2007 Аляксей Жыгалковіч. 18-гадовы артыст змяніў песенную кар'еру на рэжысёрскую, заканчвае першы курс на факультэце экранных мастацтваў.
Аляксей Жыгалковіч, студэнт 1 курса факультэта экранных мастацтваў Беларускай дзяржаўнай акадэміі мастацтваў: Мы адно ў аднаго іграем у розных эцюдах нейкіх, у розных працах. Ну і сам я раблю працы курсавыя па рэжысуры, па працы рэжысёра з акцёрам, па тэхніцы прамовы.
Практыка як аснова адукацыі. Навучальныя працы студэнтаў канкурыруюць нават на міжнародным кінарынку. У выпускнікоў факультэта экранных мастацтваў важкія ўзнагароды - Тэлевяршыні, спецпрэміі Прэзідэнта Беларусі. З гэтай нагоды конкурс на рэжысуру немалы - летась быў парадку 5 чалавек на месца.
Атрымліваць прафесійны вопыт студэнты факультэта экранных мастацтваў могуць у лідараў айчыннай тэле- і кінавытворчасці. Акадэмія мастацтваў заключыла дамовы з кінастудыяй Беларусьфільм, Інстытутам журналістыкі і Белтэлерадыёкампаніяй. У выпадку паспяховай стажыроўкі ў шматлікіх маладых спецыялістаў ёсць магчымасць прадоўжыць супрацоўніцтва на кантрактнай аснове.
Факультэт экранных мастацтваў - самы малады ў навучальнай установе. Ён рыхтуе рэжысёраў, гукарэжысёраў, аператараў, мастацтвазнаўцаў і менеджараў. Тут выкладаюць не толькі навукоўцы-тэарэтыкі, але і практыкі экраннай творчасці. Студэнты атрымліваюць вопыт у рэжысёраў Рэнаты Грыцковай, Маргарыты Касымавай, Сяргея Кацьера.
Абавязковыя выпрабаванні для паступлення на факультэт экранных мастацтваў - цэнтралізаванае тэстыраванне па гісторыі Беларусі і рускай або беларускай мове. Затым абітурыентаў чакаюць творчыя іспыты, якія пачнуцца ўжо 13 ліпеня.
