93 заяўкі паступілі для ўдзелу ў нацыянальным адборы на "Еўрабачанне"

3 Студзеня 2018

93 заяўкі паступілі ўжо на адрас Белтэлерадыёкампаніі для ўдзелу ў нацыянальным адборы на "Еўрабачанне". Прадставіць нашу краіну жадаюць не толькі выканаўцы з Беларусі, але і Расіі і Украіны. Сярод прэтэндэнтаў удзельнікі мінулых нацыянальных адбораў - Жанет, Гюнеш, Юзары, Мікіта Аляксееў і іншыя. Тыя, чые заяўкі аформленыя ў адпаведнасці з палажэннем праекта, будуць дапушчаныя да праслухоўвання. Яно пройдзе 11 студзеня ў 12 гадзін на Макаёнка, 9. Згодна з яго вынікамі, журы выбера не больш як 15 фіналістаў. Назіраць за тым, што адбываецца, можна анлайн. Сайт медыяхолдынга tvr.by традыцыйна будзе весці прамую трансляцыю праслухоўвання. Імя пераможца вызначаць па выніках тэлевізійнага гала-канцэрта, які адбудзецца не пазней як 1 сакавіка. Трыумфатара вызначаць журы і гледачы. Пераможца нацыянальнага адбору атрымае права прадставіць Беларусь на "Еўрабачанні 2018" у маі ў Лісабоне. 


Папулярныя

Рэкамендуемыя

Зараз чытаюць

Рэкамендуемыя