Брытанскі часопіс Female First уключыў яго ў спіс самых прыгожых замкаў Еўропы. Географы канстатуюць, менавіта ён стаіць у цэнтры кантынента, а за мінулы год у гэтых сценах зрабілі фота і апублікавалі ў сацыяльных сетках больш за 200 тысяч турыстаў. Мірскі замак - першая прыватная рэзідэнцыя на беларускіх землях. Тут гаспадарылі князі Ільінічы, Радзівілы, Вінгенштэйны, Святаполк-Мірскія. Уплывалі на ход сусветнай гісторыі.
За 5 стагоддзяў яго аблічча змянялася ў залежнасці ад густу ўладальніка, таму тут гарманічна спалучаецца готыка, рэнесанс і барока. Мірскі замак не раз цярпеў з-за шматлікіх войнаў. Грунтоўна палац аднаўлялі ужо ў эпоху незалежнай Беларусі. Кіраўнік дзяржавы Аляксандр Лукашэнка не дазволіў Мірскаму замку стаць гістарычным даўгабудам і нацыя завяршыла справу, распачатую яшчэ ў савецкі час. У 2000 годзе магнацкую рэзідэнцыю прызнала ЮНЕСКА, а праз 10 гадоў пасля актыўных рэстаўрацыйных работ архітэктурны помнік адкрылі для наведвальнікаў. Тым не менш і зараз працягваюць адраджаць рэнесансны сад, англійскі парк і сажалку.
Унікальнасць архітэктуры і прыроды Беларусі прызнана грамадствам. Чатыры аб'екты, якія знаходзяцца на тэрыторыі нашай краіны, уключаны ў спіс Сусветнай спадчыны ЮНЕСКА. Першым пад ахову трапіў Нацыянальны парк Белавежская пушча - першабытны лес, дзе знаходзяцца амаль 250 тысяч жывёл, у тым ліку рэдкіх відаў. Побач у спісе - геадэзічная Дуга Струве і Нясвіжскі палац. ЮНЕСКА звяртае ўвагу не толькі на новы рэнесанс беларускіх архітэктурных помнікаў, але і на захаванне нематэрыяльнай спадчыны - абрадаў, музыкі, страў нацыянальнай кухні. Таго, што робіць нас адметнымі сярод іншых нацый ці наадварот, з'ядноўвае са светам.
На сёння ў спісе Сусветнай спадчыны знаходзіцца амаль тысяча аб'ектаў. Сярод іх Вялікая Кітайская сцяна, Пізанская вежа, Калізей, Тадж-Махал. Каб трапіць у адзін рад з гэтымі ўжо раскручанымі турыстычнымі аб'ектамі, трэба прайсці жорсткі адбор, адпавядаць пэўным крытэрыям. Статус ЮНЕСКА павышае прэстыж тэрыторыі і спрыяе яе папулярызацыі.
Свет жыве па беларускім календары. Агінскі, Дамейка, Дунін-Марцінкевіч - у спісе памятных дат ЮНЕСКА. Так сёлета святкуецца 200-годзе з дня нараджэння вучонага і дыпламата Іосіфа Гашкевіча. А праз сезон - 250-годзе палітыка і кампазітара Міхаіла Клеафаса Агінскага.
