Мініяцюрныя выданні па філасофіі, гісторыі, духоўнай і класічнай літаратуры надрукаваны ў розных краінах. Ёсць і беларускія экзэмпляры. Паводле стандартаў нашай краіны, фармат такой кнігі не павінен перавышаць фармат 100 на 100 міліметраў. Экспазіцыя прысвечана 500-годдзю беларускага кнігадрукавання і праходзіць у гасцёўні Уладзіслава Галубка.
Кніжную выставу дапаўняе партрэтная галерэя беларускага мастака Уладзіміра Акулава. Сярод жывапісных работ партрэты пісьменнікаў, паэтаў, мастакоў і іншых знакамітых беларусаў.
