Менш за месяц застаецца да грандыёзнай музычнай падзеі года. 12 снежня адкрываецца юбілейны - пяты - Мінскі міжнародны Калядны оперны форум. Сусветныя зоркі першай велічыні, доўгачаканыя прэм'еры гледачы ўбачаць на сцэне Нацыянальнага акадэмічнага Вялікага тэатра оперы і балета. Упершыню калядны форум адкрые конкурс вакалістаў. Пададзена 280 заявак з 20 краін, па выніках пеўчага спаборніцтва ў фінал пройдзе тройка пераможцаў. Трыумфатары выступяць у гала-канцэрце зорак сусветнай оперы.
Адкрые форум прэм'ера Клоуны, дзе выступіць народны артыст Грузіі Тэймураз Гугушвілі. Легендарная артыстка СССР Алена Абразцова выканае партыю графіні ў Пікавай даме. У Мінск прыедуць салісты з найбуйнейшых тэатраў Францыі, Грэцыі, Эстоніі, большасць жа ўдзельнікаў - з Беларусі, Расіі і Украіны.
