Такую высокую ўзнагароду атрымаў выпускнік Гродзенскай гімназіі Эрык Камлык. Юнак на міжнародным інтэлектуальным спаборніцтве абышоў амаль паўтысячы ўдзельнікаў. Золата атрымаў за паспяховае праходжанне двух этапаў алімпіяды - эксперыментаў і тэорыі.
Вольга Капковіч даведалася: колькі часу эрудыт праводзіць за падручнікам і дзе плануе вучыцца далей. Геніяльнасць – гэта працэнт таленту і 99 – поту. Гэта словы Эйнштэйна, дарэчы, куміра гродзенскага гімназіста, ідэальна апісваюць доўгі этап падрыхтоўкі юнака да міжнароднай алімпіяды.
Калі скласці ў стос усе падручнікі і дапаможнікі па фізіцы, якія праштудзіраваў Эрык, атрымаецца “вежа” ў 2 з лішнім метры. Засвоіць велізарны пласт інфармацыі - далёка пазашкольнага ўзроўню - атрымалася за некалькі гадоў.
Такая ўзмоцненая падрыхтоўка дазволіла абысці на інтэлектуальным спаборніцтве амаль 500 юнакоў і дзяўчат з 90 краін свету. Алімпіяда складалася з двух тураў: тэарэтычнага і эксперыментальнага. Дарэчы, менавіта практычную частку Эрык лічыць самай прывабнай у фізіцы. На эксперыменты робіць упор і настаўнік геніяльнага хлапчука.
Эрык паспявае не толькі вучыцца, але і хадзіць у кіно, квеструмы і сустракацца з сябрамі. Апошняе лета перад студэнцкімі гадамі хлопец праводзіць таксама насычана. З будучым юнак вызначыўся. Ён, як і яго настаўнік, упэўнены: фізіка не прымусіць сумаваць ніколі.
За таленавітага выпускніка ўжо разгарнулася барацьба. ВНУ: і айчынныя, і замежныя наперабой клічуць хлопца паступаць без іспытаў у іх альма-матар. Сярод фаварытаў для Эрыка - вядучыя беларускія ўніверсітэты.
