Дайджэст самых цікавых навін Віцебскага рэгіёна.
Кансультацыйная дзіцячая паліклініка адкрылася ў Віцебску. Уручэнне пашпартоў пад гукі аргана - лепшыя школьнікі, актывісты і спартсмены Полацкага рэгіёна свой галоўны дакумент атрымлівалі ў Сафійскім саборы. На подыум - у нацыянальным адзенні. Адноўленыя мужчынскія і жаночыя касцюмы мінулых стагоддзяў прэзентавалі ў абласным цэнтры. І гістарычнае свята - прысваенне гораду Магдэбургскага права. Дайджэст самых цікавых навін з паўночнага рэгіёна.
Першы пашпарт пад гукі аргана. Паўсотні школьнікаў з Полацкага рэгіёна свой галоўны дакумент грамадзяніна Беларусі атрымалі ў Сафійскім саборы. Усе яны выдатнікі вучобы, спартсмены, актывісты. Часткай культурнай праграмы стаў і флэшмоб - над саборам узняліся паветраныя шары з запіскамі. У кожнай пажаданні росквіту краіне ад полацкай моладзі.
Кансультацыйная дзіцячая паліклініка адкрылася ў Віцебску. Штодзень тут прымаюць сотні маленькіх пацыентаў з усёй вобласці. Прыёмы вядуць педыятры, а таксама вузкія спецыялісты. Для зручнасці працуе анлайн-рэгістрацыя. У хуткім часе ў абласным цэнтры з’явіцца яшчэ адзін значны сацыяльны аб’ект - новая дзіцячая амбулаторыя ў мікрараёне Білева.
На подыум - у нацыянальным касцюме. Майстры Віцебскай вобласці прэзентавалі калекцыю зімовага адзення канца XIX - пачатку XX стагоддзяў. У кожнага рэгіёна свая адметнасць. Куцюр’е аднавілі амаль 50 камплектаў мужчынскіх і жаночых касцюмаў, а таксама аксесуары, без якіх сто гадоў таму ў свет не выходзілі ні адна модніца ці моднік. Асаблівую ўвагу пры стварэнні калекцыі надалі арнаменту.
Гістарычнае свята - прысваенне гораду Магдэбургскага права - адзначылі ў Віцебску. У праграме самыя розныя конкурсы, праекты і прэзентацыі. Магдэбургскае права горад атрымаў 17 сакавіка 1597 года. Дзякуючы яму ў Віцебску з’явіліся магістрат, герб і харугва. Галоўным адміністрацыйным будынкам стала ратуша. Зараз тут знаходзіцца абласны краязнаўчы музей.
