Спецыяльныя акуляры і тактыльныя пальчаткі дапамагаюць здзейсніць падарожжа па падзямеллі Езуіцкага калегіума. У знакамітай пабудове зараз знаходзіцца корпус ВНУ. Праект стварылі другакурснікі факультэта інфармацыйных тэхналогій разам з турыстычным цэнтрам. Першымі ў віртуальную экскурсію адправіліся самі студэнты і выкладчыкі. Дарэчы, не толькі віртуальны тур, але і старажытны горад прываблівае падарожнікаў. Распрацаваныя маршруты, якія знаёмяць з гісторыяй і архітэктурай Полацка, вандроўнікаў запрашаюць да духоўных святынь, знаёмяць з прамысловымі традыцыямі рэгіёна.