Магчымасць перанесціся ў часы Фрэнка Сінатры і Элвіса Прэслі з’явілася ў беларускай сталіцы
У новым Музеі гуказапісу сабрана больш за 80 фанографаў, грамафонаў, патэфонаў, і ўсе яны ў рабочым стане. Ёсць і рэдкія экзэмпляры, выпушчаныя зусім невялікім тыражом. Напрыклад, маленькі фанограф, які змяшчаецца ў кішэні, выпускаўся толькі ў 20-ыя гады мінулага стагоддзя.
У музейнай арт-прасторы арганізатары плануюць не толькі праводзіць дзённыя экскурсіі, але і вячэрнія акустычныя вечары пад гучанне рэдкіх пласцінак мінулых гадоў.
