Вялікі лакаматыў памерам з маленькую залу. Прычым падарожнічаць на ім можна сотні кіламетраў і адтачыць ўсе навыкі кіравання найноўшымі электравозамі. Унікальны для краіны трэнажор з'явіўся ў Гомелі. А разам з ім Цэнтр падрыхтоўкі кадраў для Беларускай чыгункі атрымаў і новыя магчымасці віртуальнага навучання.
Па рэальных маршрутах ў лічбавым фармаце пракацілася Ганна Кавалёва. Гэта ветэран віртуальнай адукацыі. У дарожным Цэнтры па падрыхтоўцы кадраў для Беларускай чыгункі з'явіўся ў 2008-м. Некалькі гадоў таму прайшоў перазагрузку. Аднак цалкам аднавіць функцыянал не ўдалося. А гэта - ужо самы сучасны трэнажор. Адпраўленне з рэальнай станцыі ў Маладзечне. Наперадзе - дакладны маршрут, які існуе ў Беларусі. Да гэтага шлях зняли на відэакамеру, затым алічбавалі. Цяпер машыністы могуць віртуальна яго ўбачыць і адтачыць навыкі кіравання найноўшымі электравозамі.
“Экстрэмальныя ўмовы і нестандартныя сітуацыі па адным кліку. На трэнажоры можна змадэляваць мясцовасць, надвор'е, час сутак ці аварыйную сітуацыю”. Гук цягніка, з'яў надвор'я - усё набліжана да рэальнасці. Фармат - практычна 5Д. Знешне трэнажор – гэта кабіна машыніста ў рэальным маштабе з сапраўднай панэллю кіравання. Замест лабавога шкла і люстэркаў задняга выгляду - ЖК-маніторы. У праграме - 4 маршруты.
Дарэчы, раней падрыхтаваць машыніста для электравозаў новага пакалення можна было толькі "ў полі". Трэнажораў для асваення беларуска-кітайскіх цягнікоў не было. Навыкі машыністы напрацоўвалі ў звычайных дэпо. Пры гэтым вывесці цягнікі на рэйкі і аб’ехаць усе маршруты загадзя было немагчыма. Хаця такія электравозы ў Беларусі з'явіліся яшчэ ў 2012-м. За 7 гадоў краіне паставілі 30 такіх адзінак. Сёння яны перавозяць грузы да 8 тысяч тон - ад Брэста да Оршы і ад Гомеля да Вільнюса. Таму трэнажор чакалі даўно: неабходнасць была вялікая.
Увогуле новыя трэнажоры дапамагаюць не толькі адтачыць навыкі кіравання лакаматывамі, але і віртуальна ацэньваць тэхнічны стан цягнікоў. Штогод у гомельскім цэнтры навучаюцца больш за 350 работнікаў лакаматыўных брыгад. Адсюль з новымі ведамі раз'язджаюцца па ўсёй краіне. Якасць іх падрыхтоўкі будуць павышаць і далей. У планах - купля новых трэнажораў для адпрацоўкі навыкаў кіравання дызельнымі цягнікамі.
