Цёплы пачатак сакавіка дазволіў аграрыям Брэсцкай вобласці на два тыдні раней распачаць пасяўную. Гаспадаркі рэгіёна масава пачалі сяўбу ранняй ярыны і зернебабовых культур. Яна вядзецца амаль ва ўсіх раёнах, за выключэннем Баранавіцкага, Жабінкаўскага, Івацэвіцкага і Ляхавіцкага. Ярына пасеяна на плошчы 3 500 гектараў - гэта 3 % ад плана. План яравой сяўбы складае амаль 406 000 гектараў. Зараз сельгасарганізацыі актыўна вядуць культывацыю палёў. Працягваецца сяўба шматгадовых траў. Заносяцца ўгнаенні.
