Будаўніцтва першага транспартнага кальца ў сталіцы пачнецца ад вуліцы Карла Лібкнехта да вуліцы Талстога. Адначасова дарожныя службы пачнуць узводзіць участак ад вуліцы Карла Лібкнехта да праспекта Дзяржынскага, дзе з'явіцца і транспартная развязка. Аб гэтым сёння журналістам паведаміў галоўны інжынер Гардарбуда Ігар Андрэйчыкаў. Працы пачнуцца ў красавіку. Што ж датычыцца тэрмінаў, то завяршыць усе работы плануюць праз два гады.
Акрамя таго, сёлета ў сталіцы пачнуць узводзіць яшчэ восем буйных аб'ектаў дарожнай інфраструктуры. Так, на скрыжаванні вуліц Маякоўскага і Аранскай з'явіцца транспартная развязка, падземны пешаходны пераход пабудуюць на праспекце Пераможцаў у раёне выставачнага комплексу. У ліпені пачнуць будаваць і паўднёвую магістраль, якая звяжа цэнтр з новым жылым комплексам “Мінск-Мір”.
