Разгрузіць Мінск ад лішняга транспарту і забяспечыць свабоднымі месцамі тых, хто гатовы за гэта плаціць. Стаянкі ў цэнтры беларускай сталіцы паступова ператвараюцца ў платныя парковачныя зоны. Да канца года з’явіцца яшчэ тры такія паркоўкі на 250 месцаў. У наступным годзе колькасць платных машынамесцаў на галоўных магістралях вырасце да васьмі тысяч. Ці дастаткова гэта для паркоўкі у цэнтры горада, высветліла Наталля Кузьміцкая.
На гадзінніку ўжо за дваннацаць, а ў гэтым салоне працягваюць наводзіць прыгажосць. Афарбоўка, стрыжка, манікюр... у хуткім часе апоўначы стануць даступныя паслугі і цырульніка барбершопа.
З апоўначы да 5 раніцы салон працуе па папярэднім запісе. Для пастаянных наведвальнікаў гэта вельмі зручна. Аднак новым начным кліентам прапануюць скідкі на паслугі і прафесійную касметыку. Так што зрабіць прычоску пасля 24-х гадзін яшчэ і эканомна.
Ноччу арганізм павінен адпачываць, аднак кардыянагрузкі перад сном толькі на карысць. Паўгадзіны на бегавой дарожцы ці эліпсоідзе - і вы будзеце спаць, як кажуць, без задніх ног.
Абанементамі "Бясонніца" і "Сава" ўжо некалькі месяцаў запар актыўна карыстаюцца наведвальнікі гэтай трэнажорнай залы, пакуль адзінай у горадзе, якая працуе ў кругласутачным рэжыме.
Менавіта начны час ідэальны не толькі для аматараў спорту, але і кінаманаў. Апошнім часам у сталіцы асабліва папулярныя так званыя змрокавыя марафоны ў кінатэатры "Масква".
Кінаночы, чытанні, найт-выставы, канцэрты і майстар-класы - штотыдзень можна знайсці ў гарадской афішы.
