75 з іх у аварыйным стане. Карыстацца імі забаронена. Іх, як і яшчэ больш за 3 тысячы выхадаў з кватэры на вуліцу, камунальныя службы плануюць сёлета адрамантаваць. Аднак усё часцей фіксуюцца выпадкі зацягвання і парушэння тэрмінаў. Прычым гэта не заўсёды залежыць ад будаўнікоў. У тонкасцях балконнага рамонту разбіраўся Аляксандр Харавец.
Вось такія сітуацыі і зацягваюць тэрміны па рамонце балконаў, расказваюць прадстаўнікі камунальных службаў. Аднак наяўнасць зашклёных рам на балконе не гарантуе трываласць жалезабетонных канструкцый, гавораць спецыялісты.
У такіх выпадках прадстаўнікі камунальных службаў спрабуюць дамовіцца з уладальнікамі кватэр, бо наступствы могуць быць непрыемнымі. Абвальванне балконаў усё ж такі здараецца.
Амаль год прайшоў пасля абвальвання балкона ў доме на вуліцы Талбухіна. Нагадаю, з трэцяга паверха жалезабетонная канструкцыя паляцела ўніз. Ніхто з людзей не пацярпеў. Удар на сябе прыняў балкон паверхам ніжэй. Пляцоўкі для выхаду на вуліцу дэманціравалі і паабяцалі ў хуткім часе іх адрамантаваць. Аднак, як кажуць самі жыхары трохпавярхоўкі, абяцанага яны могуць чакаць не адзін год.
Нам удалося высветліць, што сітуацыя зменіцца ў найбліжэйшы час. Зараз шукаюць падрадчыка. Акрамя гэтых двух балконаў у доме цалкам заменяць 9. Да таго ж капітальна адрамантуюць яшчэ 27.
Усяго ж у аварыйным стане ў Мінску знаходзяцца 75 балконаў. Іх павінны адрамантаваць у найбліжэйшы час. Найбольш крытычная сітуацыя ў старым жылфондзе горада.
Суседзі Паўла Кіцеля пахваліцца свабодным выхадам з кватэры на вуліцу не могуць. Дом, як і большасць балконаў, патрабуе капітальнага рамонту. Жалезабетонная канструкцыя нашага героя магла разваліцца ў любы момант. На працягу года ён абіваў парогі камунальных службаў з просьбамі аднавіць балкон. Нарэшце яго праблема вырашылася.
Сёлета дом па вуліцы Купрыянава стаіць у графіку на капітальны рамонт. Згодна з ім, адновяць і балконы. Акрамя таго, яшчэ больш за 3 тысячы сталічных навясных канструкцый да канца года атрымаюць новае жыццё.
