Маляваць на сценах дазволілі ў школе Брэсцкага раёна

12 Кастрычніка 2019

Калідоры ўпрыгожылі героі мультфільмаў і казак. 

Аб незвычайным навучальным працэсе раскажа Марыя Тройніч.  Другакласніца Ксенія з гонарам паказвае свае малюнкі. Тое, што раней было свавольствам, цяпер - твор мастацтва. Сумную аднатонную сцяну дзеці ператварылі ў вялікі ватман.

Маляваць можна ўсюды, на колькі хапае росту. Упрыгожваць сцяну пад столлю дапамагаюць старшакласнікі. Партрэты паэтаў, героі мультфільмаў і сцэнкі са школьнага жыцця. Педагогі далі поўную волю творчасці. Малююць  гуашшу, таму яна лёгка сціраецца. Гэта вучыць дзяцей шанаваць вынікі сваёй і чужой працы.

Паводле слоў настаўнікаў, ідэю дзеці прыдумалі на ўроках выяўленчага мастацтва. Кожны прапанаваў свой сюжэт. Аб'яднаць фрагменты ў адзінае палатно дапамог праектар. Спачатку дзеці абводзяць контур малюнка простым алоўкам, а потым размалёўваюць фарбамі.

Дырэктар школы прызнаецца: на смелы педагагічны эксперымент адважваліся цэлы год. Потым атрымалі адабрэнне ў аддзеле адукацыі райвыканкама. А ў школе № 7 Брэста - сцены сталі часткай навучальнага працэсу. У калідорах павесілі таблічкі з QR-кодамі.

Некалькі паверхаў упрыгожваюць цытаты знакамітасцяў: ля кабінета фізікі - партрэт Эйнштэйна ва ўсю сцяну. А там, дзе вывучаюць рускую мову і літаратуру, можна ўбачыць Чэхава і Дастаеўскага. Любоў да навукі тут літаральна на кожным кроку. Каб дзеці лепш ведалі родную мову, лесвіцу ператварылі ў руска-беларускі перакладчык.

Зараз у школе аграгарадка Чарнаўчыцы задумалі ўжо новы праект. Калі інтэр'ер калідора надакучыць, яго пафарбуюць - і як з чыстага ліста размалююць нанова.