На FM-хвалях яго слухае ўся Гродзенская вобласць і іншыя рэгіёны. Інтэрнэт-вяшчанне даступна жыхарам многіх краін і нават кантынентаў. "Радыё Гродна" гэтымі днямі адзначае 17 год у эфіры. Увесь гэты час радыёстанцыя развівалася і поўнілася ўсё новымі і новымі слухачамі. І цяпер аўдыторыя налічвае сотні тысяч прыхільнікаў.
"Радыё Гродна" ў эфіры 7 дзён на тыдзень, 24 гадзіны за суткі. Калектыў станцыі - гэта маладыя і вопытныя радыйшчыкі - усяго 10 чалавек. Кожны дзень вяшчання напоўнены цікавымі праграмамі, сустрэчамі, інтэрактывам і якаснай музыкай. Заставацца моднымі і актуальнымі, не пераставаць здзіўляць слухача. Прынцып, абраны 17 год таму, запэўніваюць радыйшчыкі, застанеццца для "Радыё Гродна" нязменным і надалей.
Традыцыйна ў свой дзень нараджэння "Радыё Гродна" не толькі прымае, але і дорыць падарункі. Гэтым разам было разыграна 5 найцікавейшых падарожжаў па Еўропе і мноства іншых карысных і прыемных падарункаў.