Яны паднятыя падчас вахты памяці. Па элементах амуніцыі ўдалося ўстанавіць імя аднаго абаронцы - гэта старшы лейтэнант медыцынскай службы Муратаў Іван Фёдаравіч 1916 года нараджэння. Зараз шукаюць яго сваякоў. Астанкі байцоў будуць пахаваныя на вайсковых могілках ў аграгарадку Крынкі. Тут пахавана больш за 4 тысячы салдат і афіцэраў.
Расказвае Марына Раманоўская. У руках супрацоўнікаў Лёзненскай цэнтральнай раённай бібліятэкі - кнігі, прысвечаныя гераізму абаронцаў у гады Вялікай Айчыннай вайны. Новыя факты на старонках - вынік даследчай дзейнасці. Шэраг праектаў аб’ядноўвае і школьнікаў. Лёзна - першы райцэнтр у паўночным рэгіёне краіны, які быў вызвалены ад нямецка-фашысцкіх захопнікаў. Асаблівая дата для жыхароў гарадскога пасёлка - 10 кастрычніка 1943 года.
Аб абароне рэгіёна, падпольным і партызанскім рухах, вызваленні Лёзна расказвае экспазіцыя раённага ваенна-гістарычнага музея. У знакавы для кожнага беларуса год тут рыхтуюць шмат праектаў, якія пройдуць у музеі, на адкрытых пляцоўках і ў інтэрнэт-прасторы. У Вялікую Айчынную вайну у гэтым рэгіёне захопнікі цалкам альбо часткова спалілі амаль дзве сотні вёсак, а сам райцэнтр быў практычна поўнасцю разбураны.
На тэрыторыі мемарыяла "Адаменская горка" пахаваны больш за 800 чалавек. Гэта абаронцы, якія загінулі ў баях і памерлі ад цяжкіх раненняў у шпіталях. Усяго ў невялікім раёне больш за 80 пахаванняў часоў Вялікай Айчыннай вайны.
Адна з самых вялікіх брацкіх магіл Лёзненскага раёна знаходзіцца ў аграгарадку Крынкі. Тут спачываюць больш як 4000 салдат і афіцэраў. На гэтым тыдні на тэрыторыі мемарыяла перапахавалі астанкі яшчэ пяці байцоў Чырвонай арміі. Яны былі паднятыя падчас вахты памяці.
Імя аднаго абаронцы ўстанавілі - гэта старшы лейтэнант медыцынскай службы Іван Фёдаравіч Муратаў 1916 года нараджэння. Яго родныя ўжо адгукнуліся і плануюць прыехаць з Расіі, каб ускласці кветкі.
У паўночным рэгіёне краіны працягваецца работа па ўстанаўленні імён загінуўшых. Прозвішчы абаронцаў увекавечваюць на мемарыяльных плітах. А ў электронную базу дадзеных сёлета будуць унесеныя 200 тысяч імён салдат і афіцэраў.
