Са снежнымі глыбамі і ледзяшамі змагаюцца паўтары сотні спецыялістаў, і сярод іх палова - прамысловыя альпіністы. На дапамогу, зразумела, выводзяць і спецтэхніку. З-за пераменлівага надвор'я пры дапамозе аўтавышак прыходзіцца скідваць снежныя "шапкі" і збіваць ільдзіны з адных і тых жа месцаў па некалькі разоў.
Больш складаныя ўмовы расчысткі - на дамах старой пабудовы, са скатнымі дахамі і без агароджаў. У сталіцы ў першую чаргу - гэта Партызанскі, Цэнтральны, Ленінскі і Заводскі раёны.
Дарэчы, і надвор'е на гэтым тыдні было зменлівым: да чацвярга - мароз, а сёння зноў адліга.