Новы шлях у развіцці міжнародных адносін Мінскай вобласці і кітайскага Чунцына

3 Жніўня 2019

У цэнтральным рэгіёне з'явіцца пасёлак з азіяцкім каларытам напрыканцы 2020 года. Пагадненне аб стратэгічным супрацоўніцтве падпісалі сёння ў Мінскім аблвыканкаме. Драўляныя будынкі кітайскага пасёлка будуць адлюстроўваць архітэктурныя асаблівасці ўсходняй краіны. Рэльефныя выявы, каменныя пліты, чырвоныя ліхтары. Праект прэзентавалі замежныя госці. А ў Чунцыне ўзвядуць беларускі міні-горад. На ста гектарах кітайскага сельскагаспадарчага тэхнапарка з'явяцца копіі Нясвіжскага замка, Івянецкага чырвонага касцёла, Мінскай гарадской ратушы. Акрамя таго, сёння падпісалі мемарандум паміж Чунцынам і Мінскім раёнам. Сумесныя інавацыйныя праекты абмяркуюць напрыканцы жніўня на міжнароднай выставе ў Кітаі.