Стапрацэнтнае працаўладкаванне пасля дыплома. Ці не такой перспектывы жадаюць выпускнікі? Наваполацкі політэхнічны каледж рыхтуе спецыялістаў самага рознага профілю. Яго гісторыя непасрэдна звязана з будаўніцтвам горада нафтахімікаў, сёлетняй культурнай сталіцай Беларусі, калі з’явілася вялікая патрэба ў будаўніках і нафтаперапрацоўшчыках.
Мая калега Марына Раманоўская ведае, якія спецыяльнасці зараз самыя папулярныя. Менавіта з гэтага пытання і пачалося інтэрв’ю ў каледжы. І вызначыць самую запатрабаваную прафесію аказалася вельмі складана. Тэхналогія машынабудавання, перапрацоўка нафты і газу - гэта толькі некаторыя з самых папулярных спецыяльнасцяў. Дарэчы, ёсць у каледжы месца і для творчасці. Прапаноўваю паглядзець сюжэт і пераканацца ў гэтым.
Аднакурснікі Кацярыны Леановіч не сумняваюцца: дзяўчына з лёгкасцю магла б паступіць на творчую спецыяльнасць. Добра спраўляецца з роляю вядучай, удзельнічае ў конкурсах і нават малюе. Нафтай. Мастацкі эксперымент - частка даследчай працы будучага тэхніка-тэхнолага.
Вытанчаныя шкатулкі, падсвечнікі і нават кветкі. Усё гэта таксама ствараюць у каледжы. Данііл Майсеенка на другім курсе. Прызнаецца: раней нават падумаць не мог, што заняткі ў майстэрні акажуцца такімі цікавымі. А прафесія тэхніка-механіка зможа прэтэндаваць на творчую.
Гэты год для каледжа юбілейны. І галоўным вынікам сваёй працы педагогі лічаць заслугі сваіх выпускнікоў, якія атрымалі прафесію ў Наваполацкім каледжы і сталі сапраўднымі прафесіяналамі на найбуйнейшых прамысловых прадпрыемствах краіны. Паказаць свае здольнасці можна падчас практыкі.
Удзел у канферэнцыях, спартыўных акцыях, падтрымка валанцёрскага руху. Сёлета запланаваны сапраўдны марафон мерапрыемстваў. А гэта значыць, што рэдакцыі газеты каледжа таксама не прыйдзецца сумаваць.
