Нацыянальная акадэмія навук агучыла топ-10 вынікаў і адкрыццяў мінулага года ў галіне фундаментальных і прыкладных даследаванняў. Сярод тых, хто адзначыўся, ёсць і навукоўцы з Гродна. Іх праекты выклікалі цікавасць і сусветнай навуковай грамадскасці.
Напярэдадні Дня беларускай навукі ў сутнасць перадавых адкрыццяў гродзенскіх даследчыкаў паглыбілася Вольга Капковіч. Выява на маніторы - канчатковы вынік даследавання. Кропкі, якія яскрава свецяцца, і ёсць клеткі тканкі чалавека, хворага на рак.
Уласцівасць ракавых клетак да збірання квантавых кропак і іх свячэнне вывучаюць і шэраг перадавых замежных навуковых цэнтраў у Расіі, Францыі і ЗША. Аднак дасягнуць неабходнага эфекту дагэтуль атрымалася толькі ў гродзенцаў.
Розныя паталогіі функцыянальных сістэм толькі ў хатніх гадаванцаў і сельскагаспадарчай жывёлы даследуе яшчэ адна група маладых вучоных. Так, вось у гэтай кошкі дыягнаставалі анкалогію. Пасля абследавання аспіранты вырашылі: жывёліну неабходна аперыраваць.
У некаторых выпадках станоўчы эфект дае такі новы метад лячэння, як лазерная тэрапія. Ветэрынары, напрыклад, з Гродзенскага заапарка, таксама выкарыстоўваюць яго на практыцы.
Такія практыка-арыентаваныя работы выводзяць гродзенскіх вучоных на першыя прыступкі ў спісах топавых сусветных даследаванняў.
Агульнымі намаганнямі выхадцы з беларускага топ-10 маюць усе шанцы стаць першымі ў сусветных рэйтынгах. Лепшыя розумы навуковых школ свету цытуюць гродзенскіх навукоўцаў і запрашаюць да сумесных даследаванняў.