Пачаліся рамонтныя работы на двух пуцеправодах Мінскай кальцавой

12 января 2019

Гэта збудаванні на трэцім кіламетры - у раёне вуліцы Скарыны, і таксама на 25-тым кіламетры - ля павароту да філіяла БДУ.

Старт рамонтных работ скарэкціруе маршрут вадзіцеляў - ужо заўтра рух на трэцім кіламетры МКАД будзе арганізаваны па знешнім кальцы. Па дзвюх палосах з боку Зялёнага Лугу ў бок Шабаноў. І па адной - у зваротным напрамку. На 25-тым кіламетры транспарт пусцяць па ўнутраным кальцы. Арганізуюць дзве паласы - з Малінаўкі ў бок Лошыцы. І адну паласу для руху з боку Лошыцы ў напрамку Малінаўкі.

Cпецыялісты пачалі разбіраць раздзяляльную агароджу на МКАД, каб перанакіраваць аўтамабільныя патокі. Старыя бэлькі пуцеправодаў заменяць на маналітныя. Запас іх трываласці - амаль 50 гадоў. Такія ж сучасныя будматэрыялы выкарыстоўваліся падчас рэканструкцыі моста ў раёне Лошыцы, які адкрылі пасля рамонту ў лістападзе.

Два пуцеправоды адкрыюцца да канца мая - на час Еўрапейскіх гульняў. Затым рамонт працягнецца. Усяго ж у план рэканструкцыі трапілі яшчэ некалькі сталічных мастоў - сярод іх пуцеправод праз вуліцу Чыгуначную па праспекце Жукава і мост праз чыгунку на вуліцы Ваўпшасава. Іх рамонт будзе весціся сёлета і ў наступным годзе.