Упершыню ў сваёй гісторыі дзверы для турыстычных груп прамысловы гігант адчыніў тры месяцы таму. Юбілейнага - тысячнага экскурсанта - аб’явяць 26 красавіка. Яму ўручаць ганаровы сертыфікат наведвальніка МТЗ і эксклюзіўны падарунак - міні-копію знакамітага на ўвесь свет «Беларуса». Падчас экскурсіі па МТЗ турысты знаёмяцца з усімі тонкасцямі вытворчасці трактара, пачынаючы з механічнага цэха і заканчваючы галоўным канвеерам прадпрыемства.
За час правядзення прамысловых экскурсій трактарны завод наведалі турысты з Расіі, Украіны, Казахстана, Германіі, Нідэрландаў. У маі на прадпрыемстве чакаюць групу з Іспаніі, Эстоніі і Нарвегіі.