Чарговы вузел сяброўства на Шаўковым поясе. Ленінскі раён сталіцы звязала пагадненне аб супрацоўніцтве з кітайскім горадам Сінін. У складзе вялікай дэлегацыі кіраўніцтва горада і буйных прадпрыемстваў. За некалькі дзён госці наведалі холадакамбінат і фабрыку па вытворчасці цукерак. Правялі не толькі дэгустацыі, але і падпісалі пагадненні. Партнёрамі беларускіх заводаў сталі малочная кампанія горада Сінін, а таксама вялікая гандлёвая сетка магазінаў. Пры гэтым госці з Кітая гатовыя працаваць і над сумеснымі праектамі.
Сінін - найбуйнейшы горад Кітая, дзе на высокім узроўні развіваецца машынабудаванне, хімічная прамысловасць і металургія. Акрамя таго, недалёка ад Сініна распрацоўваюць буйны каменна-вугальны кар'ер.
