Гамяльчанін Іван Васіленка вось ужо шэсць гадоў вырабляе лукі. Гэтым рамяством мужчына захапіўся выпадкова, але затое цяпер яго лукі дапамагаюць выйграваць спартыўныя спаборніцтвы, служаць упрыгожваннем камінных залаў і дапамагаюць рэканструктарам пагрузіцца ў эпоху даўніны.
Як з кавалка дрэва і скруткі вяроўкі зрабіць твор сярэднявечнага мастацтва, даведалася Вольга Халадовіч. Амаль за сем гадоў Іван Васіленка вырабіў ужо каля двух сотняў самых розных лукаў. Гэта карпатлівая і адказная праца. На выраб аднаго лука патрэбна каля месяца. Галоўнае, каб ён быў надзейным, хуткім і магутным. Для гэтага ўвагі патрабуе кожная дэталь.
Дрэва для лукаў і стрэл, кажа майстар, падыходзіць самае рознае. Ад яблыні і ясеня да экзатычнай бубінгі з Афрыкі. Сярод заказчыкаў – спартсмены, удзельнікі клубаў рэканструкцыі і проста аматары стральбы.
Калі раней мастацтва стральбы з лука было незаменным у паляванні або ў бітве, то зараз гэта папулярны від спорту. Ці забава не для слабакоў. Нацягнуць цеціву і трапіць стралой у мішэнь - гэта толькі на першы погляд проста.
У адрозненні ад маёй не зусім удалай спробы ў Івана, наадварот, усе стрэлы пападаюць у цэль. Ён не толькі вырабляе лукі і стрэлы, але і сам удзельнічае ў розных спаборніцтвах. На яго рахунку ёсць нават афіцыйны рэкорд.
Да наступнага турніру застаецца прыкладна месяц, таму зараз у Івана час актыўных трэніровак. Каб усталяваны рэкорд па-ранейшаму заставаўся за нашай краінай.
