Ізумруд эканамічнага росту. Менавіта так на гэтым тыдні ацанілі нашы высокатэхналагічныя пляцоўкі журналісты з "Форбс". Прадстаўнікі адразу некалькіх рэдакцый аўтарытэтнага фінансавага выдання з ЗША, Эстоніі, Фінляндыі, Латвіі пабывалі ў Парку высокіх тэхналогій, "Вялікім камені", а таксама выступілі з лекцыямі перад студэнтамі БДУ.
Па выніку візіту журналісты "Форбс" з упэўненасцю робяць выснову: Беларусь стаіць напярэдадні эканамічнага рыўка, як "азіяцкія тыгры" ў 90-ыя (размова аб Сінгапуры, Паўднёвай Карэі, Ганконгу і Тайвані). Рэзідэнты ПВТ сёння актыўна ўкладваюць у распрацоўку новых прадуктаў, прапаноўваюць ІТ-сэрвіс глабальнага ўзроўню. Прадстаўнікі "Форбс" абяцалі растыражыраваць гісторыю беларускіх айцішнікаў па ўсім свеце.
