Пацверджанне стабільнага курсу на ўсебаковае ўзаемадзеянне і супрацоўніцтва. Міністр замежных спраў Уладзімір Макей на чале беларускай дэлегацыі наведаў з афіцыйным візітам Індыю. Па выніках перамоў прэзідэнт Пранаб Мукерджы пацвердзіў свой намер у найбліжэйшы час наведаць Беларусь.
У апублікаваным на сайце прэзідэнта Індыі прэс-рэлізе галоўны акцэнт таксама зроблены на мінскі візіт на вышэйшым узроўні, які рыхтуецца. Адзначана, што: "Нашы краіны маюць агульныя погляды па шматлікія пытанні. Двухбаковыя адносіны пашыраюцца. Існуе паразуменне і супрацоўніцтва як па міжнародных, так і па рэгіянальных пытаннях. Індыя высока цэніць падтрымку Беларуссю яе кандыдатуры ў якасці прэтэндэнта на пастаяннае месца ў Савеце Бяспекі ААН".
Адзначаны імклівы рост аб'ёмаў двухбаковага гандлю. Кіраўнік беларускага МЗС сустрэўся і з міністрам замежных спраў Індыі Сушмай Сварадж. Асаблівая ўвага нададзена рэгіянальнай праблематыцы з акцэнтам на неабходнасць мірнага вырашэння канфліктаў, што ўзнікаюць.
