У верасні сірыйскі і ўсе іншыя крызісы нашага неспакойнага сёння ўвесь свет абмяркоўваў на юбілейнай Генасамблеі ААН. У Нью-Ёрк прыбылі 150 сусветных лідараў, а парадак дня складаўся з 170 пытанняў. Выступаючы з высокай трыбуны ААН, Аляксандр Лукашэнка быў вымушаны нагадаць тэзісы сваёй прамовы 2005 года. Яшчэ 10 гадоў таму Кіраўнік беларускай дзяржавы акрэсліў асноўныя выклікі для чалавецтва - войны, СНІД, беднасць, гандаль людзьмі, тэрарызм, аднапалярны свет. Усё гэта, на жаль, актуальна і сёння.
Выступленне Прэзідэнта Беларусі ў ААН несла цывілізацыйны меседж. І ў нашай краіны ёсць адказ, як дасягнуць палітычнага даверу ў свеце. Гэта - праект "інтэграцыі інтэграцый". У стагоддзе глабалізацыі трэба аб'ядноўваць буйныя рэгіянальныя саюзы, якія зараз сапернічаюць адзін з адным, і накіроўваць іх патэнцыял на мэты міру і развіцця. Засталося, каб ідэю беларусаў пачулі. Той, хто мае вушы, ды пачуе!..
А пасля Генасамблеі быў "Экспрэс ААН-70". За тыдзень ён аб'ехаў усю Беларусь, каб распавесці пра мэты і задачы развіцця. Але ці ўдалося зрабіць за 7 дзён тое, што не атрымлівалася 7 дзесяцігоддзяў - мы спыталі ў прадстаўніка ПРААН у Беларусі Санакі Самарасінхі.
Аб аднаўляльных крыніцах энергіі ў рамках акцыі "Экспрэс ААН-70" гаварылі ў верасні ў Віцебску. Але не толькі. Гучнае выкрыццё з падробкай экалагічных тэстаў аўтамабільным канцэрнам "Фальксваген" у той месяц было ва ўсіх сусветных СМІ. І ў намінацыі "Скандал года" гарачая тэма падзяліла першае месца з пажарам у ФІФА.
Гэта эпізод спалення чучала прэзідэнта Міжнароднай федэрацыі футбола Ёзэфа Блатэра падчас традыцыйнага свята "Ноч вогнішчаў" у Вялікабрытаніі. І гэта меншая з непрыемнасцяў, якая здарыліся з гульнёй нумар адзін і яе галоўным чыноўнікам. Самы гучны карупцыйны скандал у гісторыі спорту пры ацэнцы маштабаў супрацьпраўных дзеянняў у ФІФА цяжка перабраць. Арышты ініцыяваліся са Злучаных Штатаў Амерыкі і пачаліся выконвацца швейцарскай паліцыяй ціхай вераснёвай раніцай напярэдадні кангрэса арганізацыі. На сённяшні дзень у гэты карупцыйны разбор уцягнуты дзясяткі высокапастаўленых чыноўнікаў па ўсім свеце, у справе фігуруюць мільярды долараў.
Следства працягваецца, але ўжо зараз можна сказаць, што мэта па звяржэнні Блатэра дасягнута. Камітэт ФІФА па этыцы адхіліў Зепа ад футбольнай дзейнасці на 8 гадоў. Не будзе прэзідэнтам Міжнароднай федэрацыі і славуты Мішэль Плаціні - у яго такое ж пакаранне, а гэта значыць і ва УЕФА хутка выбары. Год заканчваецца, а перадзел футбольнага свету працягваецца.
