У Мінску прайшоў штогадовы семінар для кіраўнікоў дыппрадстаўніцтваў і консульскіх устаноў нашай краіны за мяжой. Тавараабарот - найважнейшы маркер эфектыўнасці працы пасольстваў, аб гэтым не раз гаварыў і Прэзідэнт.
Размоў на гэтую тэму на тыдні, і праўда, было звышдастаткова: мерапрыемствы ў МЗС, Акадэміі ўпраўлення, Беларускай гандлёва-прамысловай палаце. Каб з першых вуснаў пачуць аб стане спраў на прамысловых флагманах, дыпламаты сустрэліся і з найбуйнейшымі экспарцёрамі, абмеркавалі, як адкрыць Беларусь новым краінам, знайсці новых партнёраў на іншых кантынентах.
Па выніках семінара кіраўнік знешнепалітычнага ведамства нашай краіны Уладзімір Макей звярнуў асаблівую ўвагу на неабходнасць працягу працы па канчатковым здыманні абмежаванняў на доступ беларускай прадукцыі на знешнія рынкі. А мы вырашылі звярнуцца да аднаго прыватнага і паказальнага прыкладу.
