У пачатку другой часткі праграмы вернемся да галоўнай падзеі тыдня - сочынскай паездкі Прэзідэнта. Але гэтым разам закранём толькі адзін цікавы спартыўны аспект. Журналісты прымецілі, што падчас катання на горных лыжах у Краснай Паляне ў экіпіроўцы нашага Прэзідэнта можна было заўважыць шапку з калекцыі Дар'і Домрачавай. Як вядома, біятланістка распрацавала сваю лінію адзення. І вось такая ж шапка ёсць і ў Дашы, і ў Уле Эйнара Б’ёрндалена.
І ўжо зусім сімвалічны яшчэ і той факт, што пяць гадоў назад, 11 лютага, Дар'я Домрачава заваявала сваё першае золата Алімпіяды. На Гульнях у Сочы наша - у далейшым чатырохразовая алімпійская чэмпіёнка - выйграла гонку праследавання.
А наогул, беларускія прыхільнікі біятлона ў гэты дзень святкуюць юбілей адразу дзвюх знакавых перамог. Яшчэ раней, 20 гадоў назад, наша мужчынская эстафетная чацвёрка ўпершыню ў гісторыі выйграла золата чэмпіянату свету. На вышэйшую прыступку п'едэстала пашаны ў фінскім Кантыялахці ў самай прэстыжнай біятлоннай дысцыпліне падняліся Пётр Івашка, Аляксей Айдараў, Вадзім Сашурын і Алег Рыжанкоў.
Так, гэтая чацвёрка па праве лічыцца легендарнай. Як і залаты алімпійскі квартэт нашых дзяўчат!
