Зараз перанясёмся ў гарачую Бразілію. У сталіцу галоўных гульняў чатырохгоддзя працягваюць з'язджацца спартыўныя дэлегацыі з усяго свету. Зрэшты, маштабныя спаборніцтвы яшчэ да свайго пачатку ўвайшлі ў гісторыю як самыя скандальныя. Узровень злачыннасці, тэмпы будаўніцтва аб'ектаў, якасць вады, вірус Зіка…
Плюс да ўсяго допінгавыя ўзрушэнні, у выніку якіх у Алімпіядзе не прыме ўдзел зборныя па лёгкай і цяжкай атлетыцы Расіі, а таксама наша мужчынская каманда па веславанні.
Але і гэта яшчэ не ўсё. Не паспелі арганізатары прадставіць алімпійскую вёску, як аўстралійская дэлегацыя адмовілася засяляцца ў апартаменты, заяўляючы аб поўнай непрыдатнасці для жыцця. Пачуцці разгараюцца, цікавасць да Гульняў падаграецца.
Усе самыя цікавыя моманты мы абавязкова распавядзём і пакажам у эфіры. Як мы ўжо гаварылі, у Рыа адпраўляецца прадстаўнічая каманда Белтэлерадыёкампаніі.
Пакуль пра дзень сённяшні - Станіслаў Ліпскі. Лейтматыў вось гэтай жартоўнай песні нарвежца Нікалы Рама, падрыхтаванай спецыяльна да Алімпіяды, заключаецца ў тым, што ў гарачай Бразіліі скандынавам, якія прывыклі да марозу і снегу, заваяваць медалі будзе вельмі складана.
Нам бы іх праблемы, напэўна, убачыўшы гэты кліп, падумала кіраўнік аўстралійскай алімпійскай дэлегацыі Кіці Чылер. Прадстаўнікі Зялёнага кантынента аднымі з першых прыехалі ў алімпійскую вёску і, мяркуючы па рэакцыі, упершыню ўбачылі такі хаос.
Згодна з паведамленнямі бразільскіх СМІ, з аналагічнымі скаргамі да арганізатараў звярнуліся дэлегацыі Новай Зеландыі, ЗША, Швецыі і Вялікабрытаніі. Арганізатары неадкладна адрэагавалі на крытыку - 500 рабочых на працягу 48 гадзін ліквідоўвалі ўсе недахопы. Удалося.
Паралельна міжнародныя федэрацыі па відах спорту дапускалі расіян да ўдзелу ў Алімпійскіх гульнях. Нагадаем, кіраўнік МАК Томас Бах вырашыў не адхіляць усю каманду нашых усходніх суседзяў ад выступлення ў Рыа з-за татальнага выкарыстання допінгу, падкрэсліўшы, што канчатковае рашэнне будуць прымаць тут федэрацыі. Як вынік - Расія не будзе прадстаўлена ў цяжкай і лёгкай атлетыках у Бразіліі.
Што тычыцца беларускіх спартсменаў, то на Гульнях выступяць 124 нашы атлеты, якія прадставяць Беларусь у 25 відах спорту і 76 дысцыплінах алімпійскай праграмы. Да старту Гульняў застаецца ўсяго 5 дзён, тут, у цэнтры Мінска, таймер з адваротным адлікам нагадвае пра гэта. Зразумела, Белтэлерадыёкампанія ў поўным аб'ёме будзе асвятляць турнір, дарэчы, ужо ў ноч з пятніцы на суботу вы ў прамым эфіры нашага тэлеканала зможаце ўбачыць цырымонію нараджэнне алімпійскага агню.
Падрабязнасці шоу трымаюць у строгім сакрэце, генеральная рэпетыцыя цырымоніі прайшла ў пятніцу. Піратэхнікі не падвялі, а вось мясцовая паліцыя была не на належным узроўні - за межамі стадыёна святочны настрой азмрочвалі будзённыя праблемы Рыа. Пад гукі феерверкаў ля сцен "Мараканы" абрабавалі прахожага. Паліцыя, паводле слоў відавочцаў, прыбыла на месца злачынства толькі праз гадзіну. І гэта пры беспрэцэдэнтным узмацненні мер бяспекі. 85 тысяч праваахоўных служб, у тым ліку і вайскоўцаў, будуць засцерагаць спакой у сталіцы Гульняў.
Тым часам Беларусь дэлегавала ў Рыа сваіх першых прадстаўнікоў. Услед за камандай па стральбе з лука адправіліся ў Бразілію і нашы баскетбалісткі. Дружына Анатоля Буяльскага непасрэдна на месцы прадоўжыць падрыхтоўку да старту.
Гэту заяву Кацярыны Карстэн шматлікія саперніцы жадалі пачуць яшчэ перад Алімпіядай у Пекіне, дзе двухразовая алімпійская чэмпіёнка заваявала бронзу, але не дачакаліся. Кацярына адправілася на свае 7-я Гульні ў сераду разам з камандай па акадэмічным веславанні.
Спаборніцтвы па акадэмічным веславанні пачнуцца 6 жніўня, а першыя медалі будуць разыграныя 10-га. Што тычыцца пражывання ў алімпійскай вёсцы беларускай дэлегацыі, то і тут былі пытанні, аднак НАК адразу ж адрэагаваў на дыскамфорт.
Алімпіяда ў Рыа-дэ-Жанэйра ўжо стала самай скандальнай у гісторыі галоўных стартаў чатырохгоддзя. Ці змогуць баталіі на спартыўных пляцоўках перакрыць гэтыя моманты, меркаваць складана, але непрыезд у Бразілію зорак расійскай лёгкай атлетыкі, Роджэра Федэрэра, Вікторыі Азаранкі, Роры Макілроя, Лебрана Джэймса па розных прычынах яшчэ больш пагаршае перспектывы старту. Арганізатары выдаткавалі на ўсё 14 мільярдаў долараў замест запланаваных 7. Задача мінімум для Бразіліі сёння - вярнуць укладзены капітал. Добра, што спартсмены і турысты працягваюць прыбываць у Рыа.
