26 гадоў таму беларускія лётчыкі пачалі пісаць найноўшы летапіс. А сам дзень ВПС быў створаны шасцю гадамі пазней указам Прэзідэнта. З тых часоў гэта дата стала пунктам адліку для ўсіх ваенных лётчыкаў Беларусі.
Сёлета праведзены шэраг паспяховых вучэнняў, пілоты павышалі свой узровень майстэрства не толькі ў краіне, але і за яе межамі. Беларусы ўвайшлі ў чацвёрку найлепшых каманд конкурсу "Авіядартс- 2018", які праходзіў у рамках Міжнародных армейскіх гульняў.
І восенню беларускія ваенныя лётчыкі прымуць удзел у камандна-штабных вучэннях Калектыўных авіяцыйных сіл АДКБ "Паветраны мост". Такія трэніроўкі пройдуць упершыню і адбудуцца ў Свярдлоўскай вобласці.
